പള്ളിക്കല്‍: പരുത്തിക്കോട് മഹല്ലിന്റെ ഖാസിയായി ബൈഅത്ത് ചെയ്ത സയ്യിദ് മുഹമ്മദ് കോയ ജമലുല്ലൈലി തങ്ങള്‍ക്ക് പരുത്തിക്കോട് മഹല്ല് നിവാസികളുടെ സ്‌നേഹാദരം.
വിഘായ വളണ്ടിയര്‍ മാരുടെയും മദ്‌റസ വിദ്യാര്‍ഥികളുടെ ദഫ് മുട്ടിന്റെയും അകമ്പടിയോടെയാണ് വര്‍ണാഭമായി ഒരുക്കിയ വേദിയിലേക്ക് തങ്ങളെ ആനയിച്ചത്. പരുത്തിക്കോട് മഹല്ലിന്റെ ഖാസിയായി ബൈഅത്ത് ചെയ്യപ്പെട്ട സയ്യിദ് മുഹമ്മദ് കോയ ജമലുല്ലൈലി തങ്ങളെ മഹല്ല് നിവാസികളായ ആയിരങ്ങളുടെ സാനിധ്യത്തില്‍ മഹല്ല് പ്രസിഡന്റ് എ.ടി ലത്തീഫ് പൊന്നാടയണിയിച്ച് ആദരിച്ചു.
മഹല്ല് കമ്മിറ്റിയുടെയും പരുത്തിക്കോട് ശാഖാ എസ്.കെ.എസ്.എസ്.എഫിന്റെയും ഉപഹാരങ്ങളും തങ്ങള്‍ക്ക് സമര്‍പിച്ചു. എ.ടി ലത്തീഫ് അധ്യക്ഷനായി.
ജഹ്ഫര്‍ ഫൈസി പട്ടിക്കാട് മുഖ്യ പ്രഭാഷണം നടത്തി. പേങ്ങാട്ട് മജീദ്, എ.ടി ബാവ മാസ്റ്റര്‍, അബൂബക്കര്‍ ഫൈസി, ടി അഹമ്മദ് ഹാജി, വി.ടി കോയ സംസാരിച്ചു.