തൃക്കരിപ്പുര്‍: നബിദിനത്തില്‍ ഇക്കുറിയും ബാലേട്ടന്റെ പായസത്തിന്‍ മധുരം. തങ്കയം ഇസ്സത്തുല്‍ ഇസ്‌ലാം ജമാഅത്ത് കമ്മറ്റിയുടെ നബിദിനാഘോഷത്തിലാണ് തങ്കയത്ത് ഫ്‌ളോര്‍ മില്‍ നടത്തുന്ന ബാലന്‍ പായസം ഒരുക്കിയത്.
കഴിഞ്ഞ നിരവധി വര്‍ഷങ്ങളായി ബാലന്‍ തന്നെയാണ് നബിദിനത്തിനു ഇവിടെ പായസം ഒരുക്കുന്നത്.
പായസം റോഡിലൂടെ കടന്നുപോകുന്നവര്‍ക്കും പള്ളിയിലെത്തുന്നവര്‍ക്കും വിളമ്പും. പായസം ഒരുക്കാന്‍ കൂട്ടിനായി ശ്രീധരനും നാട്ടുകാരും ഒപ്പമുണ്ടായിരുന്നു.