വേങ്ങര: ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ അര്‍ധ വാര്‍ഷിക പരീക്ഷയുടെ ആദ്യദിനം പരീക്ഷ എഴുതാനെത്തിയ വിദ്യാര്‍ഥികള്‍ക്ക് ആശങ്കയുടെ മണിക്കൂറുകള്‍. സ്‌കൂളിലെത്തിയതോടെ നാലുക്ലാസ് മുറികളും ഇന്‍ഡോര്‍ സ്‌റ്റേജും ഉള്‍ക്കൊളളുന്ന ഓടിട്ട കെട്ടിടത്തിന്റെ മേല്‍കൂരയും ചുമരും നിലംപതിച്ചതാണ് കാണാനായത്. വിദ്യാര്‍ഥികള്‍ എത്തുന്നതിന് മിനുട്ടുകള്‍ക്ക് മുന്‍പ് അപകടം സംഭവിച്ചതിനാലാണ് നൂറുകണക്കിന് കുട്ടികളുടെ ജീവന്‍ രക്ഷിക്കാനായത്.
ആറ്, ഒന്‍പത്, പത്ത് ക്ലാസുകളിലെ വിദ്യാര്‍ഥികള്‍ ഇംഗ്ലീഷ്, അഞ്ചാം ക്ലാസിന് കായിക ആരോഗ്യ കലാ വിദ്യാഭ്യാസം പരീക്ഷകള്‍ എഴുതാന്‍ എത്തിച്ചേര്‍ന്ന വിദ്യാര്‍ഥികളാണ് ആശങ്ക ഒഴിവായ ആശ്വാസത്തില്‍ നെടുവീര്‍പ്പിട്ടത്.