പേരാമ്പ്ര: ജില്ലാ കേരളോത്സവത്തിന് പേരാമ്പ്രയില്‍ തുടക്കമായി. പേരാമ്പ്ര പട്ടണത്തില്‍ നടന്ന ഘോഷയാത്രയ്ക്കു ശേഷം ദാറുന്നു ജും കോളജ് മൈതാനിയില്‍ നടന്ന ചടങ്ങില്‍ മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്തു.
ജില്ലാ പഞ്ചായത്ത് പ്രസിഡന്റ് ബാബു പറശേരി അധ്യക്ഷനായി. സുജാത മനക്കല്‍, അഹമ്മദ് പുന്നക്കല്‍, എ.കെ ബാലന്‍, ബ്ലോക്ക് പഞ്ചായത്ത് പ്രസിഡന്റ് എ.സി സതി, കെ.എം റീന, എ.കെ പത്മനാഭന്‍, കെ. കുഞ്ഞമ്മത്, സത്യന്‍ കടിയങ്ങാട്, എ.കെ ചന്ദ്രന്‍, കെ.കെ രജീഷ്, അലങ്കാര്‍ ഭാസ്‌കരന്‍, അജിത കൊമ്മിണിയോട്ട് തുടങ്ങിയവര്‍ പ്രസംഗിച്ചു.
16,17 തിയതികളില്‍ പേരാമ്പ്ര ദാറുന്നുജൂം ആര്‍ട്‌സ് കോളജിലും പേരാമ്പ്ര പഞ്ചായത്ത് ഹാളിലുമായാണ് രചന, കലാമത്സരങ്ങള്‍ നടക്കുക.
18ന് വൈകീട്ട് സാംസ്‌കാരിക സായാഹ്നവും, 20ന് സെമിനാറും അനുബന്ധമായുണ്ട്. കായിക മത്സരങ്ങള്‍ ചക്കിട്ടപാറ സ്റ്റേഡിയത്തില്‍ ആരംഭിച്ചു.