പയ്യോളി: ഒരേ സീരിയലില്‍ ഒരേ രീതിയിലുള്ള രണ്ട് ലോട്ടറി ടിക്കറ്റ് വില്‍പനക്കെത്തി. ഇന്നലെ നറുക്കെടുത്ത കാരുണ്യയുടെ 140 ാം നമ്പര്‍ ടിക്കറ്റാണ് പയ്യോളിയിലെ ലോട്ടറി ഏജന്‍സിയില്‍ വില്‍പനക്ക് ലഭിച്ചത്. പി.യു സീരിയലിലുള്ള 373777 നമ്പറിലുള്ളതാണ് ടിക്കറ്റ്. 50 രൂപ വിലയുള്ള അഞ്ച് ടിക്കറ്റ് എടുത്തയാള്‍ക്കാണ് ഇത് ലഭിച്ചത്.
ടിക്കറ്റ് പൊലിസിലേല്‍പ്പിച്ചു. ലോട്ടറി ഓഫിസുമായി ബന്ധപ്പെട്ടപ്പോള്‍ ഇതിന്റെ കൗണ്ടര്‍ ഫോയില്‍ ഓഫിസിലുണ്ടെന്നാണ് വിവരം ലഭിച്ചത്.
അച്ചടിപ്പിശകാണെന്ന് ലോട്ടറി ഓഫിസര്‍ അറിയിച്ചു. കൗണ്ടര്‍ഫോയില്‍ കോഴിക്കോട് ഓഫിസിലുള്ളതിനാല്‍ ഈ ടിക്കറ്റ് വ്യാജമല്ലെന്ന് പൊലിസ് അറിയിച്ചു.