കാസര്‍കോട്: മോട്ടോര്‍ വാഹന വകുപ്പിന്റെ നേതൃത്വത്തിലുള്ള ട്രാക്ക് കാര്‍ണിവല്‍ ഇന്നു പ്രദര്‍ശനമാരംഭിക്കും. ട്രോമാ കെയര്‍ ബംഗലൂരു ഫണ്‍ വേള്‍ഡുമായി സഹകരിച്ച് പുതിയ ബസ് സ്റ്റാന്‍ഡിനു സമീപത്താണ് കാര്‍ണിവെല്‍ സംഘടിപ്പിക്കുന്നത്. 18നു ആറിനു മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. എന്‍.എ നെല്ലിക്കുന്ന് എം.എല്‍.എ അധ്യക്ഷനാകും. ക്ലിക്ക് ആര്‍ട്ട് മ്യൂസിയം, ട്രിക്ക് ആര്‍ട്ട് സെല്‍ഫി, അമ്യൂസ്‌മെന്റ് പാര്‍ക്ക് എന്നിവ കാര്‍ണിവല്ലില്‍ ഉണ്ടായിരുക്കും. സ്‌കൂളുകളില്‍ നിന്നു വരുന്ന കുട്ടികള്‍ക്കു പ്രത്യേക ഇളവുനല്‍കും. വാര്‍ത്താസമ്മേളനത്തില്‍ എന്‍.എ നെല്ലിക്കുന്ന് എം.എല്‍.എ, ആര്‍.ടി.ഒ കെ ബാലകൃഷ്ണന്‍, എസ്.ഐ അജിത്ത്, പി.വി കുഞ്ഞമ്പുനായര്‍, വി വേണുഗോപാലന്‍, എ.കെ രാജീവന്‍, എം.കെ രാധാകൃഷ്ണന്‍, അര്‍ജുനന്‍ തായലങ്ങാടി സംബന്ധിച്ചു.