മൂവാറ്റുപുഴ: സുമനസുകളുടെ സഹായത്തിനു കാത്ത് നില്‍ക്കാതെ ശ്രുതി (16) യാത്രയായി.
വാളകം ഗ്രാമപഞ്ചായത്തിലെ റാക്കാട് വരപ്പുറത്ത് സുനിലിന്റെ മകള്‍ ശ്രുതി സുനിലിന് മജ്ജമാറ്റിവയ്ക്കല്‍ ശസ്ത്രക്രിയക്ക് നാടൊരുമിച്ച് പണം സ്വരൂപിച്ചിരുന്നു.
ഇതു കൂടാതെ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും മൂന്ന് ലക്ഷം രൂപയും അനുവദിച്ചിരുന്നു.
എന്നാല്‍ ഈസഹായത്തിനു കാത്ത് നില്‍ക്കാതെ ശ്രുതി യാത്രയായി.
അമൃത ആശുപത്രിയില്‍ ചികിത്സയിലായിരുന്ന ശ്രുതി ഇന്നലെ മരിക്കുകയായിരുന്നു.
മൂവാറ്റുപുഴ എസ്.എന്‍.ഡി.പി ഹയര്‍സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിയായിരുന്നു.
മാതാവ്: സനജ, സഹോദരങ്ങള്‍: സാന്ദ്രത, ശ്രീഹരി. സംസ്‌കാരം നടത്തി.