കാഞ്ഞങ്ങാട്: മുട്ടുന്തല മഖാം ഉറൂസ് 19 മുതല്‍ 26 വരെ വിവിധ പരിപാടികളോടെ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. കാഞ്ഞങ്ങാട് സംയുക്ത ജമാഅത്ത് ഖാസി സയ്യിദ് ജിഫ്രി മുത്തുക്കോയ തങ്ങള്‍ ഉറൂസ് ഉദ്ഘാടനം നിര്‍വഹിക്കും.
ജമാഅത്ത് പ്രസിഡന്റ് സണ്‍ലൈറ്റ് അബ്ദുള്‍റഹിമാന്‍ ഹാജി അധ്യക്ഷനാകും. മുസ്തഫ ഹുദവി ആക്കോട് പ്രഭാഷണം നടത്തും. മുഹമ്മദലി അസ്ഹരി മട്ടന്നൂര്‍ ആമുഖ പ്രഭാഷണം നടത്തും.
സംയുക്ത മുസ്‌ലിം ജമാഅത്ത് പ്രസിഡന്റ് മെട്രോ മുഹമ്മദ്ഹാജി, അബ്ദുള്‍ അസീസ് മുസ്‌ലിയാര്‍, റഷീദ് മുട്ടുന്തല, ബദ്‌റുദ്ധീന്‍ സണ്‍ലൈറ്റ്, അബ്ദുല്ല മാട്ടുമ്മല്‍, അഹ്മദ് ഹാജി മമ്മു, അബ്ദുല്ലഹാജി മീലാദ്, എം.എ റഹ്മാന്‍, മൊയ്തുഹാജി, ഹാഷിം മാസ്റ്റാജി, കെ.ടി.റിസ് വാന്‍ എന്നിവര്‍ പങ്കെടുക്കും. വിവിധ ദിവസങ്ങളില്‍ മുസ്തഫ ഹുദവി ആക്കോട്, ബഷീര്‍ വെള്ളിക്കോത്ത്, അബൂബക്കര്‍ ഹുദവി മുണ്ടംപറമ്പ്, ഹാഫിള് ത്വാഹ മഹ്ബൂബ്, ആബിദ് ഹുദവി, സിദ്ധിഖ് വാഫി ആലിന്തറ,കീച്ചേരി അബ്ദുല്‍ഗഫൂര്‍ മൗലവി പ്രഭാഷണം നടത്തും.
സമസ്ത കേരള ജംഇയ്യത്തുല്‍ ഉലമ സെക്രട്ടറി പി.പി കൊയ്യോട് ഉമര്‍ മുസ്‌ലിയാര്‍ ദിഖ്‌റ് ഹല്‍ഖക്കും കൂട്ടുപ്രാര്‍ഥനയ്ക്കും നേതൃത്വം നല്‍കും.
വാര്‍ത്താസമ്മേളനത്തില്‍ സണ്‍ലൈറ്റ് അബ്ദുല്‍ റഹ്മാന്‍ഹാജി, ചീഫ് ഇമാം മുഹമ്മദലി അസ്ഹരി, റഷീദ് മുട്ടുന്തല, അബ്ദുല്ല മാട്ടുമ്മല്‍, ബദ്‌റുദ്ധീന്‍ സണ്‍ലൈറ്റ്, ഹാഷിം മാസ്റ്റാജി, മൊയ്തുഹാജി മമ്മു, റഹ്മാന്‍ മുട്ടുന്തല, കെ.ടി.റിസ്വാന്‍, ശാഫി മൗലവി, മുശ്താഖ്, അഫ്‌സല്‍ സംബന്ധിച്ചു.