കൊച്ചി: കരുത്തും ഭംഗിയും സ്പീഡും സമന്വയിച്ച മോട്ടോ എം സ്മാര്‍ട്‌ഫോണ്‍ വിപണിയിലെത്തി. ഫ്‌ളിപ്കാര്‍ട്ടില്‍ 15,999 രൂപയ്ക്ക് ലഭിക്കും.
പിന്‍ ഭാഗത്തെ ഡോള്‍ബി അറ്റ്‌മോസ് സ്പീക്കര്‍ ഗാഢവും വ്യക്തവുമായ വേറിട്ട ശബ്ദഭംഗിയാണ് നല്‍കുക. 16 എം.പി പിന്‍ കാമറയും 8 എം.പി സെല്‍ഫി കാമറയുമാണ് മറ്റൊരു പ്രത്യേകത. കൊറെലേറ്റഡ് കളര്‍ ടെമ്പറേച്ചര്‍ (സി.സി.ടി) ഇരട്ട എല്‍ഇഡി ഫ്‌ളാഷ് എന്നിവയാണ് കാമറയുടെ പ്രത്യേകതകള്‍. ഫിംഗര്‍പ്രിന്റ് സെന്‍സര്‍, വെള്ളത്തെയും പൊടിയേയും പ്രതിരോധിക്കുന്ന നാനോ കോട്ടിംഗ്, 3050 എം.എ.എച്ച് ബാറ്ററി, 10 വാട്ട് ചാര്‍ജര്‍ എന്നിവയാണ് മറ്റ് പ്രത്യേകതകള്‍. 3ജി.ബി റാമോടുകൂടിയ 32 ജി.ബി, 4 ജി.ബി റാമോടുകൂടിയ 64 ജി.ബി എന്നീ രണ്ട് മോഡലുകളില്‍ സ്വര്‍ണ നിറത്തില്‍ ലഭിക്കും. ആന്‍ഡ്രോയ്ഡ് 6.0.1 മാര്‍ഷ്‌മെലോയിലാണ് പ്രവര്‍ത്തനം. 64 ബിറ്റ് ഒക്ടാ കോര്‍ പ്രോസസര്‍.
128 ജിബി വരെ വികസിപ്പിക്കാവുന്ന 32-64 ജി.ബി മൈക്രോ എസ്ഡി കാര്‍ഡിന്റേതാണ് സ്റ്റോറേജ്. 13.97 (5.5 ഇഞ്ച്) ഡിസ്‌പ്ലേ, ഇരട്ട നാനോ സിം, 4.1 എല്‍.ഇ ബ്ലൂടൂത്ത് എന്നിവയാണ് മോട്ടോ എമ്മിന്റെ മറ്റ് ഘടകങ്ങള്‍.