കോഴിക്കോട്: ഈ വര്‍ഷത്തെ മൂര്‍ത്തീദേവി പുരസ്‌കാരത്തിന് രാജ്യസഭാംഗവും എഴുത്തുകാരനുമായ എം.പി വീരേന്ദ്രകുമാര്‍ അര്‍ഹനായി. അദ്ദേഹത്തിന്റെ 'ഹൈമവതഭൂവില്‍' എന്ന കൃതിക്കാണ് പുരസ്‌കാരം. ഇന്ത്യന്‍ ജ്ഞാനപീഠ സമിതി ഇന്ത്യന്‍ സംസ്‌കാരത്തിനും തത്വജ്ഞാനത്തിനും ഊന്നല്‍ നല്‍കുന്ന കൃതികള്‍ക്കാണ് വര്‍ഷംതോറും പുരസ്‌കാരം നല്‍കി വരുന്നത്. നാല് ലക്ഷം രൂപയും  ശില്‍പവും പ്രശംസ ഫലകവും അടങ്ങുന്നതാണ് പുരസ്‌കാരം.
 കവി അക്കിത്തം, നോവലിസ്റ്റ് സി. രാധാകൃഷ്ണന്‍ എന്നിവരാണ് മുന്‍പ് മൂര്‍ത്തീദേവി പുരസ്‌കാരം ലഭിച്ച മലയാളികള്‍.