ജിദ്ദ: അബഹയിലെ ബല്‍ഖര്‍നില്‍ താമസസ്ഥലം കേന്ദ്രീകരിച്ച് മദ്യം നിര്‍മിച്ച് വിതരണം ചെയ്ത മലയാളികളെ പൊലിസ് അറസ്റ്റ് ചെയ്തു. ഇവരുടെ കൈവശം വന്‍തോതില്‍ മദ്യം മുണ്ടായിരുന്നതായും മദ്യം നിര്‍മിക്കുന്നതിനുള്ള സജ്ജീകരണങ്ങളും ഇവരുടെ താവളത്തില്‍ നിന്നും കണ്ടെത്തിയതായും പൊലിസ് പറഞ്ഞു.
സംഘത്തെ കുറിച്ച് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു അറസ്റ്റ്. ഇവരെ പിന്നീട് മതകാര്യ വകുപ്പിന് കൈമാറി.