കൊല്ലം: നിരവധി കേസുകളില്‍ പ്രതിയായ മനക്കര മുറിയില്‍ ലീല ഭവനത്തില്‍ ലോജു ലോറന്‍സിനെ (25) ശാസ്താംകോട്ട പൊലിസ് അറസ്റ്റു ചെയ്തു. ശാസ്താംകോട്ട എക്‌സൈസ് ഇന്‍സ്‌പെക്ടറുടെ ഡ്യൂട്ടി തടസപ്പെടുത്തിയതും പൊലിസ് സ്റ്റേഷനില്‍ നിന്നും പ്രതിയെ ഇറക്കിക്കൊണ്ടു പോകാന്‍ ശ്രമിച്ചതും ശാസ്താംകോട്ട ബിവറേജസ് ഔട്ട്‌ലെറ്റ് ആക്രമിച്ചതുമുള്‍പടെയുള്ള കേസുകളില്‍ പ്രതിയാണ്. ശാസ്താംകോട്ട ആഞ്ഞിലി മൂടിന് സമീപത്തുവെച്ച് എസ് .ഐ ആര്‍. രാജീവിന്റെ നേതൃത്വത്തിലുള്ള സംഘം അറസ്റ്റ് ചെയ്ത പ്രതിയെ കോടതി റിമാന്റ് ചെയ്തു.