തേഞ്ഞിപ്പലം: കാലിക്കറ്റ് സര്‍വകലാശാല എംപ്ലോയീസ് ഫോറം വാര്‍ഷിക സമ്മേളനം 20ന് രാവിലെ 11ന് സര്‍വകലാശാല ഓഡിറ്റോറിയത്തില്‍ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. മുന്‍ മന്ത്രി ആര്യാടന്‍ മുഹമ്മദ് മുഖ്യപ്രഭാഷണം നടത്തും. എ.പി അനില്‍കുമാര്‍ എം.എല്‍.എ, കാലിക്കറ്റ് മുന്‍ പ്രോ വൈസ് ചാന്‍സലര്‍ കെ.രവീന്ദ്രനാഥ്, ഡി.സി.സി പ്രസിഡന്റ് വി.വി പ്രകാശ്, മുന്‍ ഡി.സി.സി പ്രസിഡന്റ് ഇ. മുഹമ്മദ് കുഞ്ഞി, കെ.പി.സി.സി സെക്രട്ടറിമാരായ പി.ടി അജയ്‌മോഹന്‍, വി.എ കരീം, കെ.പി അബ്ദുല്‍ മജീദ്, സിന്‍ഡിക്കേറ്റംഗങ്ങളായ ഐ.സി ബാലകൃഷ്ണന്‍ എം.എല്‍.എ, അഡ്വ.പി.എം നിയാസ്, ഡോ. കെ.എം നസീര്‍, ഡോ. ടി.പി അഹമ്മദ്, യൂത്ത് കോണ്‍ഗ്രസ് മലപ്പുറം പാര്‍ലമെന്റ് മണ്ഡലം പ്രസിഡന്റ് റിയാസ് മുക്കോളി തുടങ്ങിയവര്‍ പങ്കെടുക്കും. തുടര്‍ന്ന് ജനറല്‍ ബോഡി, ചര്‍ച്ച, പ്രമേയാവതരണം എന്നിവ നടക്കും. വൈകിട്ട് എം.ടി.ബി വയനാടിന്റെ ദൃശ്യാവിഷ്‌കൃത ഗാനമേളയും അരങ്ങേറും. തമിഴ്‌നാട് മുഖ്യമന്ത്രിയായിരുന്ന ജയലളിതയുടെ നിര്യാണത്തെ തുടര്‍ന്ന് ദു: ഖാചരണം പ്രഖ്യാപിച്ചതോടെ മാറ്റിവച്ച സമ്മേളനമാണ് ചൊവ്വാഴ്ച നടത്തുന്നത്.