കൊടുവള്ളി നിയോജക മണ്ഡലം മുന്‍ എം.എല്‍.എ വി.എം ഉമ്മര്‍ മാസ്റ്ററെ ഉദ്ഘാടന ചടങ്ങിനു ക്ഷണിക്കാതെ അവഗണിച്ചതില്‍ പ്രതിഷേധിച്ച് യു.ഡി.എഫ് പാലത്തിന്റെ ജനകീയോദ്ഘാടനം നടത്തി. പ്രകടനമായെത്തിയ യു.ഡി.എഫ് പ്രവര്‍ത്തകരെ പാലത്തിനു സമീപം പൊലിസ് തടഞ്ഞു. തുടര്‍ന്നു പ്രദേശത്തെ കാരണവര്‍ താന്നിക്കല്‍ ഇമ്പിച്ചഹമ്മദ് നാടമുറിച്ചു പാലത്തിന്റെ പ്രതീകാത്മക ഉദ്ഘാടനം നടത്തി.
കൊടുവള്ളി നഗരസഭാ വൈസ് ചെയര്‍മാന്‍ എ.പി മജീദ് മാസ്റ്റര്‍ അധ്യക്ഷനായി. ജില്ലാ പഞ്ചായത്തംഗം എം.എ ഗഫൂര്‍ മാസ്റ്റര്‍, കിഴക്കോത്ത് പഞ്ചായത്ത് സ്ഥിരംസമിതി അധ്യക്ഷന്‍ കെ.കെ.എ ജബ്ബാര്‍ മാസ്റ്റര്‍, വാര്‍ഡ് മെമ്പര്‍മാരായ ഷിജി ഒരലാക്കോട്, ജമീല ചേലക്കാട്ടില്‍, മുസ്‌ലിം ലീഗ് മണ്ഡലം ജനറല്‍ സെക്രട്ടറി വേളാട്ട് അഹമ്മദ് മാസ്റ്റര്‍, കിഴക്കോത്ത് പഞ്ചായത്ത് മുസ്‌ലിം ലീഗ് ജനറല്‍ സെക്രട്ടറി വി.കെ അബ്ദുറഹ്മാന്‍ മാസ്റ്റര്‍, മംഗലങ്ങാട്ട് മുഹമ്മദ് മാസ്റ്റര്‍, കൊത്തിള്‍കണ്ടി അബ്ദുറഹ്മാന്‍ ഹാജി, വി.കെ അബ്ദുഹാജി, കെ.കെ.എച്ച് അബ്ദുറഹ്മാന്‍ കുട്ടി, സി.എം ഖാലിദ് സംസാരിച്ചു.