വാണിമേല്‍: വാണിമേല്‍ കന്നുകുളത്ത് ഇന്നോവകാറും ജീപ്പും കൂട്ടിയിടിച്ച് ഒരാള്‍ക്ക് പരുക്കേറ്റു.
പരുക്കേറ്റ വാണിമേല്‍ തറവട്ടത്ത് കുഞ്ഞമ്മദി (43)നെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. വാണിമേലില്‍ നിന്നും വിലങ്ങാട് ഭാഗത്തേക്ക് പോവുകയായിരുന്ന ഇന്നോവകാറും വിലങ്ങാട് നിന്നും വാണിമേല്‍ ഭാഗത്തേയ്ക്ക് പോവുകയായിരുന്ന ജീപ്പും തമ്മിലാണ് കൂട്ടിയിടിച്ചത്. ഇന്നലെ ഉച്ചയ്ക്ക് 12 മണിയോടെയാണ് സംഭവം.
സ്ഥിരം അപകട മേഖലയായ ഇവിടെ മുന്‍പ് നടന്ന ആക്‌സിഡന്റില്‍ രണ്ടു പേര്‍ മരണമടഞ്ഞിരുന്നു. റോഡിലെ വളവും റോഡിലേക്ക് തള്ളിനില്‍ക്കുന്ന കൂറ്റിക്കാടുകളുമാണ് ഇവിടം അപകട മേഖലയാക്കുന്നത്.