കല്‍പ്പറ്റ: എസ്.കെ.എസ്.എസ്.എഫ് സംസ്ഥാന, ജില്ലാ നേതാക്കള്‍ ഈമാസം 27, 28, 29, 31, ജനുവരി 1 തിയതികളിലായി ജില്ലയിലെ 25 ക്ലസ്റ്ററുകളില്‍ പര്യടനം നടത്തുന്നു. സംഘടനാ രംഗം കൂടുതല്‍ സജീവമാക്കുകയാണ് യാത്ര കൊണ്ട് ഉദ്ദേശിക്കുന്നത്.
ഇതിനായി ഓരോ യൂനിറ്റുകളിലും സംഘടനയുടെ ദൈനം ദിന പ്രവര്‍ത്തനങ്ങളും സംഘട സന്ദേശങ്ങളും യഥാസമയം പരസ്പരം കൈമാറാനും കഴിയുംവിധം കാലോചിതമായി കര്‍മരംഗം ക്രമീകരിക്കണമെന്ന് എസ്.കെ.എസ്.എസ്.എഫ് ജില്ലാ കമ്മിറ്റിയോഗം അഭ്യര്‍ഥിച്ചു. ഇതിനായി ക്ലസ്റ്റര്‍ കമ്മിറ്റികള്‍ കാര്യക്ഷമമായി മാറണം.
മദീന പാഷന്റെ മുന്നോടിയായി ക്ലസ്റ്റര്‍ അദാലത്ത്, ശാഖാ അദാലത്ത്, സത്യധാര, സോഷ്യല്‍ സര്‍വേ, കര്‍മനിധി തുടങ്ങിയ ബഹുമുഖ പദ്ധതികളാണ് യാത്രയില്‍ ഉള്‍ക്കൊള്ളിച്ചിട്ടുള്ളത്. യോഗത്തില്‍ പ്രസിഡന്റ് ശൗക്കത്തലി വെള്ളമുണ്ട അധ്യക്ഷനായി. അബൂബക്കര്‍ റഹ്മാനി, നൗഫല്‍ വാകേരി, അലി യമാനി, നവാസ് ദാരിമി, സാജിദ് മൗലവി, അലി കൂളിവയല്‍, മൊയ്തുട്ടി ദാരിമി, മൊയ്തുട്ടി യമാനി, ശിഹാബ് റിപ്പണ്‍, മുസ്തഫ വെണ്ണിയോട് സംസാരിച്ചു. ജനറല്‍ സെക്രട്ടറി അയൂബ് മാസ്റ്റര്‍ സ്വാഗതവും വര്‍ക്കിങ് സെക്രട്ടറി അബ്ദുള്‍ ലത്തീഫ് വാഫി നന്ദിയും പറഞ്ഞു.