കോട്ടയം. മണര്‍കാട്  പഞ്ചായത്തിലെ 16,17 വാര്‍ഡുകളെ  ബന്ധിപ്പിക്കുന്ന പൈനുങ്കല്‍പ്പടി  കാലുകടവില്‍ റോഡ് സഞ്ചാര യോഗ്യമല്ലാതെ   ശോച്യാവസ്ഥയില്‍ . വാട്ടര്‍ അതോറിട്ടിയുടെ ബൃഹത്തായ കുടിവെള്ള പദ്ധതിയുടെ വലിയ പൈപ്പിടാനായി വീതികുറഞ്ഞ      റോഡിന്റെനടുഭാഗം തന്നെ മഴക്കാലത്തിനു തൊട്ടു മുന്‍പ് ജെ സി ബി ഉപയോഗിച്ച് കുഴിച്ചത് മൂലമാണ് ഈ ദുരവസ്ഥ ഉണ്ടായത്.
മഴ പെയ്തതോടെ  കാല്മുട്ടുവരെയുള്ള ചെളിയില്‍ കുട്ടികളും സ്ത്രീകളും അടക്കമുള്ള   കാല്‍നടക്കാര്‍ തെന്നി വീഴുക പതിവ് കാഴ്ചയാണ്. അടുത്തകാലത്ത് ചെയ്ത ടാറിങ്ങ്‌പൈപ്പിടനായാണ്   ഇവിടെ മുഴുവനായിത്തന്നെ പൊളിച്ചുകളഞ്ഞത്. അശ്രദ്ധയും പിടിപ്പുകേടും മൂലമുണ്ടായ ഈ അവസ്ഥനാട്ടുകാര്‍ തന്നെ പരിഹരിക്കണം എന്നാണ് പഞ്ചായത്ത് അധികൃതരുടെ നിലപാട്.