കൊണ്ടോട്ടി: ഹജ്ജ് 2017 ട്രെയ്‌നര്‍മാരായി പ്രവര്‍ത്തിക്കാന്‍ അപേക്ഷ നല്‍കിയ കണ്ണൂര്‍,കാസര്‍കോട് ജില്ലകളില്‍ നിന്നുള്ളവരുടെ അഭിമുഖം ഇന്ന് നടക്കും. കണ്ണൂര്‍ ഡി.ഐ.എസ്.ഇംഗ്ലീഷ് സ്‌കൂള്‍ ഓഫിസില്‍ ഇന്ന് രാവിലെ 10ന് നടക്കുന്ന അഭിമുഖത്തില്‍ കണ്ണൂര്‍, കാസര്‍കോട് ജില്ലകളില്‍ നിന്നുള്ളവര്‍ പങ്കെടുക്കണം. മലപ്പുറം, പാലക്കാട്, തൃശൂര്‍, ജില്ലകളില്‍ നിന്നുള്ളവര്‍ 21ന് കരിപ്പൂര്‍ ഹജ്ജ് ഹൗസില്‍ രാവിലെ 9.30ന് നടക്കുന്ന അഭിമുഖത്തിലാണ് പങ്കെടുക്കേണ്ടത്.
22ന് കോഴിക്കോട് വഖ്ഫ് ബോര്‍ഡ് ഓഫിസില്‍ രാവിലെ 10ന് നടക്കുന്ന അഭിമുഖത്തില്‍ കോഴിക്കോട്, വയനാട് ജില്ലകളില്‍ നിന്നുള്ളവര്‍ ഹാജരാകണം. 26ന് എറണാകുളം വഖ്ഫ് ബോര്‍ഡ് ഓഫിസില്‍ രാവിലെ 10ന് നടക്കുന്ന അഭിമുഖത്തില്‍ എറണാകുളം, ഇടുക്കി, കോട്ടയം, ആലപ്പുഴ, കൊല്ലം, പത്തനംതിട്ട, തിരുവനന്തപുരം ജില്ലകളില്‍ നിന്നുള്ളവരും പങ്കെടുക്കണം. ഈ വര്‍ഷം 557 പേരാണ് വിവിധ ജില്ലകളില്‍ നിന്ന് പ്രതിഫലം ആഗ്രഹിക്കാതെ അപേക്ഷകരായുളളത്.