ബ്രിസ്‌ബെയ്ന്‍: ആസ്‌ത്രേലിയക്കെതിരായ ആദ്യ ക്രിക്കറ്റ് ടെസ്റ്റില്‍ പാകിസ്താന്‍ പൊരുതി വീണു. 490 എന്ന കൂറ്റന്‍ വിജയ ലക്ഷ്യം പിന്തുടര്‍ന്ന പാകിസ്താന്‍ 450 റണ്‍സില്‍ പോരാട്ടം അവസാനിപ്പിച്ച് 39 റണ്‍സിനാണു കീഴടങ്ങിയത്.
സ്‌കോര്‍: ആസ്‌ത്രേലിയ ഒന്നാം ഇന്നിങ്‌സ് 429, രണ്ടാം ഇന്നിങ്‌സ് അഞ്ചിനു 202 ഡിക്ല. പാകിസ്താന്‍ ഒന്നാം ഇന്നിങ്‌സ് 142. രണ്ടാം ഇന്നിങ്‌സ് 450.
അഞ്ചാം ദിനം രണ്ടു വിക്കറ്റുകള്‍ ശേഷിക്കേ പാക് വിജയം 108 റണ്‍സ് അകലെയായിരുന്നു. എന്നാല്‍ 68 റണ്‍സ് നേടാനെ അവര്‍ക്ക് കഴിഞ്ഞുള്ളൂ. ഒരു ഘട്ടത്തില്‍ വാലറ്റത്തിന്റെ ധീരോദാത്തമായ ചെറുത്തുനില്‍പ്പ് അവരെ വിജയത്തിലെത്തിക്കുമെന്നു പ്രതീക്ഷ ജനിപ്പിച്ചെങ്കിലും അതു നടന്നില്ല.
ആസാദ് ഷെഫീഖ് (137), മുഹമ്മദ് ആമിര്‍ (48), യാസിര്‍ ഷാ (33), വഹാബ് റിയാസ് (30) എന്നിവരാണ് വാലറ്റത്ത് പൊരുതിയത്. ഓസീസിനായി മിച്ചല്‍ സ്റ്റാര്‍ക്ക് നാലും ജാക്‌സണ്‍ ബേഡ് മൂന്നും വിക്കറ്റുകള്‍ വീഴ്ത്തി.