മേലാറ്റൂര്‍: പുത്തനഴി നിബ്രാസുല്‍ ഉലൂം സെക്കന്‍ഡറി മദ്‌റസയുടെ പുതിയ കെട്ടിട ഉദ്ഘാടനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിച്ചു. സമസ്ത ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ അധ്യക്ഷനായി. ടി.എച്ച് ദാരിമി മുഖ്യപ്രഭാണം നടത്തി. വൈകീട്ട് ഏഴിന് നടന്ന ബുര്‍ദ സദസിനു വളാഞ്ചേരി അല്‍ ബുസ്താന്‍ വിദ്യാര്‍ഥികള്‍ നേതൃത്വം നല്‍കി. സമസ്ത കേന്ദ്ര മുശാവറ അംഗം വാക്കോട് മൊയ്തീന്‍ കുട്ടി ഫൈസി, മൊയ്തീന്‍ഫൈസി പുത്തനഴി, സ്ഥലം ഖതീബ് വീരാന്‍ മുസ്‌ലിയാര്‍, എം.എം ദാരിമി, സി.ടി മാനുമുസ്‌ലിയാര്‍, സുബൈര്‍ അന്‍വരി അല്‍ ഫാറൂഖി, മുഹമ്മദ് ദാരിമി സംസാരിച്ചു.