മലപ്പുറം: വിജയഭേരി വിദ്യാഭ്യാസ പദ്ധതിയുടെ ഭാഗമായി ഈ വര്‍ഷത്തെ 10ാം ക്ലാസ് വിജയശതമാനവും എല്ലാ വിഷയങ്ങള്‍ക്കും എ പ്ലസ് ലഭിക്കുന്ന കുട്ടികളുടെ എണ്ണവും വര്‍ധിപ്പിക്കുന്നതിനു തീവ്ര യജ്ഞ പരിപാടി നടപ്പിലാക്കാന്‍ വിജയഭേരി ഹൈസ്‌കൂള്‍ കോഡിനേറ്റര്‍മാരുടെ യോഗം തീരുമാനിച്ചു.
പഠനത്തില്‍ പിന്നോക്കം നില്‍ക്കുന്നവരെയും മുന്‍പന്തിയില്‍ നില്‍ക്കുന്നവരെയും കണ്ടെണ്ടത്തും. പിന്നോക്കം നില്‍ക്കുന്നവര്‍ക്കായി പ്രത്യേക കോച്ചിങ് ക്യാംപുകള്‍ സംഘടിപ്പിക്കും. മിടുക്കരെ ഉള്‍പ്പെടുത്തി എ പ്ലസ് ക്ലബ് രൂപീകരിക്കും. ഓരോ വിദ്യാലയത്തിലും 10ാം ക്ലാസില്‍ പഠിക്കുന്ന കുട്ടികളെ എല്ലാ വിഷയങ്ങള്‍ക്കും എ പ്ലസ് നേടുന്നവരാക്കി മാറ്റുകയാണ് ലക്ഷ്യം. കുട്ടികളുടെ പഠന നിലവാരത്തിനനുസരിച്ചു ക്ലാസുകള്‍ പുനഃക്രമീകരിക്കും.
പിന്നോക്കം നില്‍ക്കുന്നവര്‍ക്കു സ്‌കൂളിലെ മികച്ച അധ്യാപകരെക്കൊണ്ടു പ്രത്യേകം ക്ലാസുകള്‍ നല്‍കും. രക്ഷിതാക്കളെ ഈ പ്രവര്‍ത്തനങ്ങളില്‍ പങ്കാളികളാക്കാന്‍ പ്രത്യേക യോഗം വിളിക്കും. അധ്യാപകരുടെ നേതൃത്വത്തില്‍ കുട്ടികളുടെ വീടുകളില്‍ സന്ദര്‍ശന പരിപാടികള്‍ സംഘടിപ്പിക്കും. ഫെബ്രുവരിയില്‍ സഹവാസ ക്യാംപുകള്‍ സംഘടിപ്പിക്കും. ഈ വര്‍ഷം ടെക്സ്റ്റ് ബുക്ക് മാറിയ കണക്ക്, ഇംഗ്ലീഷ്, സോഷ്യല്‍ സയന്‍സ് എന്നീ വിഷയങ്ങള്‍ക്ക് പ്രത്യേക ഹാന്‍ഡ് ബുക്ക് തയാറാക്കി ഈ വിഷയങ്ങള്‍ പഠിപ്പിക്കുന്ന മുഴുവന്‍ അധ്യാപകര്‍ക്കും നല്‍കുകയും പ്രത്യേക പരിശീലനം സംഘടിപ്പിക്കുകയും ചെയ്യും. ജില്ലാപഞ്ചായത്തില്‍ നടന്ന വിജയഭേരി കോഡിനേറ്റര്‍മാരുടെ പ്രത്യേക യോഗം പ്രസിഡന്റണ്ട് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. വൈസ് പ്രസിഡന്റണ്ട് സക്കീന പുല്‍പ്പാടന്‍ അധ്യക്ഷയായി. സ്റ്റാന്‍ഡിങ് കമ്മിറ്റി ചെയര്‍മാന്‍മാരായ ഉമ്മര്‍ അറക്കല്‍, വി. സുധാകരന്‍, കെ.പി ഹാജറുമ്മ, സലീം കുരുവമ്പലം, ജില്ലാ കോഡിനേറ്റര്‍ ടി. സലീം പേരാമ്പ്ര സംസാരിച്ചു.