കൊടുവള്ളി: ദാറുല്‍ അസ്ഹര്‍ ഖുര്‍ആന്‍ അക്കാദമി സോഷ്യല്‍ സര്‍വിസ് മൂവ്‌മെന്റുമായി സഹകരിച്ച് ഹയര്‍സെക്കന്ററി, ഡിഗ്രി കോഴ്‌സുകള്‍ക്ക് പഠിക്കുന്ന പെണ്‍കുട്ടികള്‍ക്കായി സംഘടിപ്പിക്കുന്ന ഏകദിന കൗണ്‍സിലിങ് ക്യാംപ് (തര്‍ബിയ) നാളെ ദാറുല്‍ അസ്ഹര്‍ ഓഡിറ്റോറിയത്തില്‍ നടക്കും. രാവിലെ ഒമ്പതു മുതല്‍ വൈകിട്ട് അഞ്ചു മണി വരെയാണ് ക്യാംപ്. ഇഖ്ബാല്‍ മാസ്റ്റര്‍ ചേളാരി, റഷീദ് ബാഖവി എടപ്പാള്‍, അബു നഅീം ഹുദവി, ബഷീര്‍ റഹ്മാനി ക്ലാസെടുക്കും. പ്രണയം, വര്‍ധിച്ചുവരുന്ന ഒളിച്ചോട്ടങ്ങള്‍ എന്നീ പ്രവണതകള്‍ക്കെതിരേ ബോധവല്‍ക്കരണം നല്‍കുക എന്നതാണ് ക്യാംപിന്റെ ലക്ഷ്യം.