വടകര: കുറിഞ്ഞാലിയോട് ശിഹാബ് തങ്ങള്‍ റിലീഫ് സെല്ലിന്റെ കീഴില്‍ ട്യൂഷന്‍ സെന്റര്‍ ആരംഭിക്കുന്നു. ആദ്യ ഓഹരി സ്വീകരണവും പ്രഖ്യാപനവും പാറക്കല്‍ അബ്ദുല്ല എം.എല്‍.എ നിര്‍വഹിച്ചു. ഹമീദ് ഹാജി ആലിയ അധ്യക്ഷനായി. സ്റ്റുഡന്റ് അക്കാദമി എന്ന പേരില്‍ അടുത്ത വര്‍ഷം ആദ്യം ട്യൂഷന്‍ സെന്റര്‍ ആരംഭിക്കും. കംപ്യൂട്ടര്‍ സെന്ററും ഇതോടൊപ്പം ആരംഭിക്കുന്നുണ്ട്. ഇതുസംബന്ധിച്ച് ചേര്‍ന്ന യോഗത്തില്‍ വെളുത്ത പറമ്പത്ത് അസീസ്, റാഷിദ് പാനോളി, അന്‍സീര്‍ പാനോളി, എന്‍.സി അജ്മല്‍, വി.പി സാജിര്‍, സി.എം ഇര്‍ഷാദ്, സി.എം മുഹമ്മദ്, നിയാസ് സംസാരിച്ചു.