കൊടുങ്ങല്ലൂര്‍: ഒ.കെ യോഗത്തിന്റെ ആഭിമുഖ്യത്തില്‍ മുന്‍ പ്രസിഡന്റും സാംസ്‌കാരിക പ്രവര്‍ത്തകനുമായിരുന്ന അഡ്വ.ചാണയില്‍ അരവിന്ദാക്ഷന്‍ അനുസ്മരണവും ജീവജ്യോതി അഗതി മന്ദിരത്തിനുള്ള അവാര്‍ഡ് സമര്‍പണവും നടത്തി. അനുസ്മരണ സമ്മേളനം വി.ആര്‍ സുനില്‍കുമാര്‍ എം.എല്‍.എ ഉദ്ഘാടനം ചെയ്തു. നഗരസഭ ചെയര്‍മാന്‍ സി.സി വിപിന്‍ ചന്ദ്രന്‍ അവാര്‍ഡ് സമര്‍പ്പണം നടത്തി.
ഒ.കെ യോഗം പ്രസിഡന്റ് എ.പി വേണുഗോപാല്‍ അധ്യക്ഷനായി.
നഗരസഭ പ്രതിപക്ഷ നേതാവ് വി.ജി ഉണ്ണികൃഷ്ണന്‍ അനുസ്മരണ പ്രഭാഷണം നടത്തി. സിസ്റ്റര്‍ പൗളിന്‍ മരിയ, വാര്‍ഡ് കൗണ്‍സിലര്‍ ബിന്ദു പ്രദീപ്, എസ്. ഭാര്‍ഗവന്‍പിള്ള, ടി. ഗോപാലന്‍കുട്ടി മേനോന്‍, പി.എസ്.എസ് കൈമള്‍, ടി.എം നാസര്‍, എം.ആര്‍ നായര്‍, കെ.എം നന്ദകുമാര്‍, വി.എം വിദ്യാസാഗര്‍ എന്നിവര്‍ പ്രസംഗിച്ചു.