പഴയങ്ങാടി: ഏഴോം പീസ് പബ്ലിക്ക് സ്‌കൂളില്‍ ദേശീയ കാര്‍ഷിക ദിനാചരണപരിപാടിക്ക് തുടക്കമായി. പള്ളിക്കുന്ന് കൃഷി അസി. ഓഫിസര്‍ ടി നാരായണന്‍ ഉദ്ഘാടനം ചെയ്തു.
പുതുതലമുറയില്‍ കാര്‍ഷിക സംസ്‌കാരം വളര്‍ത്തിയെടുക്കുക എന്ന ലക്ഷ്യത്തോടെയാണ് പരിപാടി.
കാര്‍ഷിക ഉപകരണങ്ങളുടെയും വിവിധ നെല്‍വിത്തുകള്‍, പയര്‍വിത്തുകള്‍, വിവിധയിനം ഭക്ഷ്യയോഗ്യമായ ഇലകള്‍, എന്നിവയെ കുറിച്ചുള്ള പ്രദര്‍ശനവും ശ്രദ്ധേയമായി. സ്‌കൂള്‍ വിദ്യാര്‍ഥികള്‍ അവതരിപ്പിച്ച നാടന്‍പാട്ട്, നാടോടിനൃത്തം തുടങ്ങിയ പരിപാടികളും കൃഷിരീതിയെ അടുത്തറിയാം എന്ന ക്ലാസും നടന്നു. ടി കുഞ്ഞികണ്ണന്‍ അധ്യക്ഷനായി. എം.എം അബ്ദുല്‍ റഷീദ്, പി പ്രീത, എം റഷീദ് പ്രസംഗിച്ചു.