ഇരിക്കൂര്‍: വൈദ്യുതി കമ്പിയില്‍ നിന്നു ഷോക്കടിച്ചുവീണ വാനരകുഞ്ഞിന രക്ഷപ്പെടുത്തി. ഇരിക്കൂര്‍ ഇസ്‌ലാഹി ഇംഗ്ലിഷ് മീഡിയം സീനിയര്‍ സെക്കന്‍ഡറി സ്‌കൂളിനു സമീപത്ത് പട്ടീലില്‍ വൈദ്യുതി ലൈനില്‍ നിന്നു ഷോക്കേറ്റു നിലത്തുവീണു മരണത്തോട് മല്ലടിച്ച വാനരകുഞ്ഞിനെയാണ് നാട്ടുകാര്‍ രക്ഷപ്പെടുത്തിയത്. റോഡരികില്‍ കിടക്കുകയായിരുന്ന വാനരകുഞ്ഞിനെ പരിസ്ഥിതി പ്രവര്‍ത്തകനായ നൗഷാദിന്റെ നേതൃത്വത്തില്‍ നാട്ടുകാര്‍ തൊട്ടടുത്ത മൃഗാശുപത്രിയിലും അവിടെ ഡോക്ടറില്ലാത്തതിനാല്‍ വനംവകുപ്പിനെയും ഏല്‍പ്പിക്കുകയായിരുന്നു.