ലോകശ്രദ്ധയാകര്‍ഷിച്ച സ്മാര്‍ട്‌ഫോണ്‍ ഗെയിം 'പോക്കിമാന്‍ ഗോ' ഇനി ഫോണിലൂടെ മാത്രമല്ല ആപ്പിളിന്റെ പുതിയ സ്മാര്‍ട് വാച്ചിലും കളിക്കാം. നേരത്തെ ഇതിന്റെ കരാര്‍ സംബന്ധിച്ച് ചില ആശയക്കുഴപ്പങ്ങളുണ്ടായിരുന്നെങ്കിലും ഗെയിം വികസിപ്പിച്ചെടുത്ത നിയാന്റിക് പോക്കിമോന്‍ കമ്പനിയുമായി ആപ്പിള്‍ കരാറില്‍ എത്തിയതായാണ് പുതിയ റിപ്പോര്‍ട്ട്.

ഗെയിമിലെ പോക്കിമോന്‍ സ്റ്റോപ്പുകളെക്കുറിച്ച് പോക്കിമാന്‍ നല്‍കുന്ന നിര്‍ദേശങ്ങള്‍ വിവരങ്ങള്‍ ആപ്പിള്‍ വാച്ചില്‍ എത്തും. ഇതോടെ പോക്കിമാനെ തേടിയിറങ്ങുന്നവര്‍ക്ക് കൂടുതല്‍ സൗകര്യപ്രദമായ രീതിയില്‍ ഗെയിം കളിക്കാനുള്ള സാധ്യത തെളിഞ്ഞു.മൊബൈല്‍ ഫോണുമായി പോക്കിമാനെ പിടിക്കാന്‍ ഇറങ്ങുന്നതിനേക്കാള്‍ ജനപ്രീതി ആപ്പിള്‍ വാച്ചില്‍ കളിക്കുമ്പോള്‍ ലഭിക്കുമെന്നാണ് കരുതുന്നത്.

കഴിഞ്ഞ ജൂലൈ ആറിനായിരുന്നു ഗെയിമിന്റെ ലോഞ്ചിംഗ്.ഓഗ്മെന്റ് റിയാലിറ്റി ആശയമുപയോഗിച്ചാണ് കമ്പനി പോക്കിമോന്‍ ഗോ ഗെയിം രൂപകല്‍പ്പന ചെയ്തിരിക്കുന്നത്. ഇതുകൊണ്ട് തന്നെയാണ ഗെയിം കൂടുതല്‍ ജനപ്രീതി നേടിയതും.