അങ്കാറ: രണ്ട് തുര്‍ക്കി സൈനികരെ ഐ.എസ് ജീവനോടെ ചുട്ടുകൊന്നു. മൂന്നാഴ്ച മുമ്പ് വടക്കന്‍ സിറിയയിലെ അല്‍ ബാബ് മേഖലയില്‍ നിന്ന് തട്ടിക്കൊണ്ടുപോയ സംഘത്തിലെ രണ്ടു പേരെയാണ് വധിച്ചത്.
 ഫെതി സാഹിന്‍, സാഫിര്‍ താസ് എന്നീ സൈനികരെയാണ് കൊലപ്പെടുത്തിയതെന്ന് ഐ.എസ് അനുകൂല വാര്‍ത്താ ഏജന്‍സി പറഞ്ഞു.
കഴിഞ്ഞ മാസം 29 നാണ് സൈനികരെ ഐ.എസ് തട്ടിക്കൊണ്ടുപോയത്. ഇവരെ ചുട്ടുകൊല്ലുന്ന ചിത്രവും വിഡിയോയും കഴിഞ്ഞ ദിവസം പുറത്തുവിട്ടിരുന്നു. സിറിയയില്‍ ഐ.എസിനെതിരേ തുര്‍ക്കി ആക്രമണം നടത്തുന്ന തുര്‍ക്കി സൈന്യത്തിലെ 16 സൈനികരെ കഴിഞ്ഞ ദിവസം അല്‍ ബാബില്‍ വച്ച് ഐ.എസ് കൊലപ്പെടുത്തിയിരുന്നു.