പൂനൂര്‍: അടുത്ത വര്‍ഷം മുതല്‍ മൃഗസംരക്ഷണ മേഖലയില്‍ പുതുതലമുറയെ ആകര്‍ഷിക്കാനായി പദ്ധതികള്‍ ആവിഷ്‌കരിക്കുമെന്ന് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി. കാര്‍ഷിക മേഖലയിലേക്കു യുവാക്കള്‍ കടന്നുവന്നാല്‍ മാത്രമേ പ്രതീക്ഷിക്കുന്ന നേട്ടം കൈവരിക്കാന്‍ സാധിക്കുകയുള്ളൂവെന്നും അദ്ദേഹം കൂട്ടിച്ചേര്‍ത്തു. മൃഗസംരക്ഷണ വകുപ്പ് കരിയാത്തന്‍കാവ് ഹയര്‍ സെക്കന്‍ഡറി സ്‌കൂളില്‍ സംഘടിപ്പിച്ച സ്‌കൂള്‍ പോള്‍ട്രി ക്ലബ് ഉദ്ഘാടനം ചെയ്യുകയായിരുന്നു അദ്ദേഹം. ഉണ്ണികുളം പഞ്ചായത്ത് പ്രസിഡന്റ് ഇ.ടി ബിനോയ് അധ്യക്ഷനായി. ഡോ. എ.സി മോഹന്‍ദാസ്, റീത്താ രാമചന്ദ്രന്‍, കെ.കെ.ഡി രാജന്‍, പ്രീജാരാമചന്ദ്രന്‍, ടി.കെ ഇബ്രാഹിം, ജുബില, രാജേഷ് കുമാര്‍, നളിനാക്ഷന്‍ മാസ്റ്റര്‍, രാധാകൃഷ്ണന്‍ മാസ്റ്റര്‍, മുഹമ്മദ് റാഫി, ഡോ. സി.കെ ഷാജിബ്, ഫെബി മറിയം സംസാരിച്ചു.