കോഴിക്കോട്: ഹയര്‍ സെക്കന്‍ഡറി വിഭാഗത്തെ ഹൈസ്‌കൂളില്‍ ലയിപ്പിക്കാനുള്ള നീക്കം ഉപേക്ഷിക്കണമെന്ന് ഹയര്‍ സെക്കന്‍ഡറി സ്‌കൂള്‍ ടീച്ചേഴ്‌സ് അസോസിയേഷന്‍ ജില്ലാ സമ്മേളനം ആവശ്യപ്പെട്ടു.
 എല്ലാ ജില്ലകളിലും ആര്‍.ഡി.ഒമാരെ നിയമിക്കുക, ഒഴിവുള്ള ഗവ. ഹയര്‍ സെക്കന്‍ഡറി സ്‌കൂളുകളില്‍ പ്രിന്‍സിപ്പല്‍മാരെ നിയമിക്കുക തുടങ്ങിയ ആവശ്യങ്ങളുന്നയിച്ചു. കെ.സി അബു സമ്മേളനം ഉദ്ഘാടനം ചെയ്തു. പ്രസിഡന്റ് കെ.വി ഷിബു അധ്യക്ഷനായി. എന്‍.പി ബാലകൃഷ്ണന്‍, സെബാസ്റ്റ്യന്‍ ജോണ്‍, കെ.എ അഫ്‌സല്‍ സംസാരിച്ചു. യാത്രയയപ്പ് സമ്മേളനം സംസ്ഥാന പ്രസിഡന്റ് എം. രാധാകൃഷ്ണന്‍ ഉദ്ഘാടനം ചെയ്തു. സര്‍വിസില്‍ നിന്ന് വിരമിക്കുന്ന കെ. അഹമ്മദ് ഇഖ്ബാല്‍, എസ്. ശോഭന, വി. സുബ്രഹ്മണ്യന്‍, ടി. ശ്രീധരന്‍ എന്നിവര്‍ക്ക് ഉപഹാരം നല്‍കി.