ഇരിക്കൂര്‍: രക്താര്‍ബുദം ബാധിച്ച് തലശേരി മലബാര്‍ കാന്‍സര്‍ സെന്ററില്‍ ചികിത്സയില്‍ കഴിയുന്ന ബ്ലാത്തൂര്‍ ഗാന്ധിവിലാസം എല്‍.പി സ്‌കൂള്‍ അഞ്ചാം ക്ലാസ് വിദ്യാര്‍ഥിനി നന്ദനയ്ക്കായി കണ്ണൂര്‍, ഇരിക്കൂര്‍ റൂട്ടിലോടുന്ന രാജരാജേശ്വരം ബസ് സര്‍വിസ് നടത്തി. ഇരിക്കൂര്‍ ബസ് ഫാമിലി വാട്‌സ് ആപ്പ് ഗ്രൂപ്പിന്റെ സഹകരണത്തോടെയാണ് സര്‍വിസ് നടത്തിയത്. ഇരിക്കൂര്‍ ബസ് സ്റ്റാന്റില്‍ ഡോ. സദാനന്ദന്‍ യാത്ര ഫഌഗ് ഓഫ് ചെയ്തു. പഞ്ചായത്ത് പ്രസി. കെ.ടി നസീര്‍ അധ്യക്ഷനായി. സി രാജീവന്‍, സജീവന്‍, വി ജോയ് പങ്കെടുത്തു.