പാലക്കാട്: സംസ്ഥാന പിന്നോക്ക വിഭാഗ വികസന കോര്‍പ്പറേഷനില്‍ നിന്നും വായ്പയെടുത്ത സംരംഭങ്ങള്‍ നടത്തുന്ന ഗുണഭോക്താക്കളുടെ ഉത്പ്പന്നങ്ങളുടെ പ്രദര്‍ശന വിപണന മേള  കോട്ടമൈതാനത്ത്   ഈ മാസം പ്രദര്‍ശന വിപണന മേള  26 മുതല്‍  ജനുവരി രണ്ടു വരെ നടക്കും. നൂറില്‍പരം സ്റ്റാളുകള്‍ പങ്കെടുക്കും. സംസ്‌കാരിക സായാഹ്നങ്ങളും, ഭക്ഷ്യമേളയും സംഘടിപ്പിക്കും. 26ന് വൈകിട്ട് അഞ്ചിന് കോട്ടമൈതാനത്ത് വൈകിട്ട് അഞ്ചിന് മന്ത്രി എ.കെ. ബാലന്‍ ഉദ്ഘാടനം ചെയ്യും. ഷാഫി പറമ്പില്‍ എം.എല്‍.എ അധ്യക്ഷനാകും.
കുടുംബശ്രീ സി.ഡി.എസുകള്‍ക്കുള്ള മൈക്രോ ക്രെഡിറ്റ് വായ്പ വിതരണോദ്ഘാടനം, വിദ്യാഭ്യാസ വായ്പവിതരണം, വിവാഹവായ്പ വിതരണം എന്നിവ ഇതോടാനുബന്ധിച്ച് നടക്കും.
ജനുവരി രണ്ടിന് സമാപന സമ്മേളനം കോര്‍പ്പറേഷന്‍ ചെയര്‍മാന്‍ സംഗീത് ചക്രപാണിയുടെ അധ്യക്ഷതയില്‍ പി. ഉണ്ണി എം.എല്‍.എ ഉദ്ഘാടനം ചെയ്യും. വ്യക്തിഗത സ്റ്റാളുകള്‍ക്കുള്ള സമ്മാനദാനം കെ.വി വിജയദാസ് എം.എല്‍.എയും, സി.ഡി.എസ് സ്റ്റാളുകള്‍ക്കുള്ള സമ്മാനദാനം മുഹമ്മദ് മുഹ്‌സിന്‍ എം.എല്‍.എയും വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് വിതരണം പി.കെ. ശശി എം.എല്‍.എയും നിര്‍വഹിക്കും.
വാര്‍ത്താസമ്മേളനത്തില്‍ ചെയര്‍മാന്‍ സംഗീത് ചക്രപാണി, എം.ഡി.കെ.ടി. ബാലഭാസ്‌ക്കര്‍, ജി.സജിത്ത് പങ്കെടുത്തു.