വടക്കാഞ്ചേരി: റേഷന്‍ കടകളിലൂടെ അരിയടക്കമുള്ള ഭക്ഷ്യ വസ്തുക്കള്‍ വിതരണം ചെയ്യാതെ പൊതുവിതരണ സമ്പ്രദായം തകര്‍ക്കുകയും നിര്‍ധന ജനവിഭാഗങ്ങളെ പട്ടിണിയിലേക്ക് തള്ളി വിടുകയും ചെയ്യുന്ന പിണറായി വിജയന്‍ സര്‍ക്കാരിന്റെ നിലപാട് തിരുത്തണമെന്ന്  ആവശ്യപ്പെട്ട് നാടെങ്ങും കോണ്‍ഗ്രസ് പ്രതിഷേധം. വെള്ളം തിളപ്പിച്ച് കുടിച്ചായിരുന്നു പ്രതിഷേധ പരിപാടി. മുണ്ടത്തിക്കോട് ആര്യം പാടത്ത് കെ.അജിത്കുമാര്‍ ഉദ്ഘാടനം ചെയ്തു. എന്‍.ആര്‍ രാധാകൃഷ്ണന്‍ അധ്യക്ഷനായി. എ.പി ദേവസി, ബിജോയ് ദേവസി, കെ.ടി ജോയ്, കെ.ആര്‍ കൃഷ്ണന്‍കുട്ടി, കെ.ടി ബെന്നി സംസാരിച്ചു. ചെറുതുരുത്തിയില്‍ ജോണി മണിച്ചിറ ഉദ്ഘാടനം ചെയ്തു. യു.എസ് സുമോദ് അധ്യക്ഷനായി. വടക്കാഞ്ചേരിയില്‍ കെ.അജിത് കുമാര്‍ ഉദ്ഘാടനം ചെയ്തു. പി.വി നാരായണസ്വാമി അധ്യക്ഷനായി.