ദേശമംഗലം: സമസ്ത കേരള ജംഇയ്യത്തുല്‍ ഉലമയുടെ കീഴില്‍ രണ്ടുവര്‍ഷം പിന്നിട്ട സുപ്രഭാതം ദിനപത്രത്തിന്റെ പ്രചാരണത്തിനും സര്‍ക്കുലേഷന്‍ വര്‍ധിപ്പിക്കാന്‍ ആവശ്യമായ നിര്‍ദേശങ്ങള്‍ സ്വീകരിക്കുന്നതിനും പരാതികള്‍ക്ക് പരിഹാരം കാണുന്നതിനും മറ്റുമായി ദേശമംഗലം റെയ്ഞ്ചിലെ സമസ്തയുടേയും പോഷകഘടകങ്ങളുടേയും നേതാക്കള്‍, പ്രവര്‍ത്തകര്‍, അഭ്യൂദയകാംക്ഷികള്‍ പ്രസ്ഥാന ബന്ധുക്കള്‍ എന്നിവരുടെ സുപ്രധാന കണ്‍വന്‍ഷന്‍ ഇന്ന് രാവിലെ 9.30ന് തള്ളി കൊറ്റുപുറം നുസ്‌റത്തുല്‍ ഇസ്‌ലാം മദ്‌റസ ഹാളില്‍ ചേരും.
സുപ്രഭാതം ഡയറക്ടര്‍ അബൂബക്കര്‍ അല്‍ ഖാസിമി, എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി ദേശംമംഗലം, ഗവേണിങ് ബോഡി അംഗം നാസര്‍ ഫൈസി തിരുവത്ര തുടങ്ങിയ പ്രമുഖര്‍ സംബന്ധിക്കും. യോഗത്തില്‍ മേല്‍പറഞ്ഞ മുഴുവന്‍ പേരും പങ്കെടുക്കണമെന്ന് മേഖലാ കോഡിനേറ്റര്‍ ടി.എസ് മമ്മി ദേശമംഗലം അറിയിച്ചു.