പരപ്പനങ്ങാടി: നോട്ട് നിരോധനത്തെ തുടര്‍ന്ന് സാധാരണജനങ്ങളും സഹകരണ പ്രസ്ഥാനവും നേരിടുന്ന ഗുരുതരമായ പ്രതിസന്ധിക്കെതിരേയുള്ള ജനകീയ പ്രക്ഷോഭത്തിന്റെ ഭാഗമായി 29ന് ദേശീയപാതയില്‍ ഇടതുമുന്നണി മനുഷ്യച്ചങ്ങല തീര്‍ക്കുന്നതിന്റെ പ്രചാരണാര്‍ഥം എല്‍ ഡി എഫ് നെടുവ ലോക്കല്‍ കമ്മിറ്റി കാല്‍നട ജാഥ നടത്തി. പാലത്തിങ്ങല്‍ അങ്ങാടിയില്‍ നിന്നാരംഭിച്ച ജാഥ സംസ്ഥാന അഫക്‌സ് ബോര്‍ഡ് പ്രസിഡന്റ് പാലക്കണ്ടി വേലായുധന്‍ ഉദ്ഘാടനം ചെയ്തു .
തേനത്ത് സൈതുമുഹമ്മദ് അധ്യക്ഷനായി .ജാഥാ ക്യാപ്റ്റന്‍ സി തുളസീദാസ് ,ഗിരീഷ് തോട്ടത്തില്‍ ,കെ അഫ്താബ് ,സമീര്‍ കന്യകത്ത് സംസാരിച്ചു .ഉള്ളണം മുണ്ടിയന്‍കാവില്‍ സമാപിച്ച ജാഥ സി പി ഐ എം ജില്ലാ സെക്രട്ടറിയേറ്റംഗം വേലായുധന്‍ വള്ളിക്കുന്ന് ഉദ്ഘാടനം ചെയ്തു .എ കുഞ്ഞിമുഹമ്മദ്ഹാജി അധ്യക്ഷനായി .സി ഗിരീഷ് ,കെ ഹനീഫ ,വി പി മൊയ്തീന്‍ സംസാരിച്ചു .