നിറമരുതൂര്‍: കോരങ്ങത്ത് ശറഫുല്‍ ഇസ്‌ലാം മദ്‌റസ 50ാം വാര്‍ഷിക സമ്മേളനം സമാപിച്ചു. സമാപന സമ്മേളനം സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു.
കോഴിക്കോട് വലിയ ഖാസി സയ്യിദ് നാസിര്‍ ഹയ്യ് ശിഹാബ് തങ്ങള്‍ പ്രാര്‍ഥന നിര്‍വഹിച്ചു. നൗഷാദ് ബാഖവി ചിറയിന്‍കീഴ് മുഖ്യ പ്രഭാഷണം നടത്തി. സമസ്ത കേന്ദ്ര മുശാവറ അംഗം ഹാജി എ. മരക്കാര്‍ ഫൈസി അധ്യക്ഷനായി.
ഇ.ടി. മുഹമ്മദ് ബഷീര്‍ എം.പി, മലപ്പുറം ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍, അബ്ദുറഹ്മാന്‍ രണ്ടത്താണി, ഡോ. ജയകൃഷ്ണന്‍, പി.എ. ജബ്ബാര്‍ ഹാജി തുടങ്ങിയവര്‍ സംബന്ധിച്ചു .മൂന്നു ദിവസം നീണ്ടു നിന്ന സമ്മേളനത്തിന്റെ രണ്ടാം ദിവസമായിരുന്ന വെള്ളിയാഴ്ച ജലീല്‍ റഹ്മാനി വാണിയന്നൂര്‍ മുഖ്യ പ്രഭാഷണം നടത്തി.
കേരള വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉത്ഘാടനം ചെയ്തു.സി.കെ. സൈതാലിക്കുട്ടി ഫൈസി, ഹക്കീം ഫൈസി കാളാട്, ഹംസ മാടമ്പാട്ട് സംബന്ധിച്ചു.