മലപ്പുറം: ജില്ലയില്‍ വിദ്യാലയങ്ങളില്‍ വിവിധ പരിപാടികളോടെ ക്രിസ്മസ് ആഘോഷിച്ചു. മിക്ക വിദ്യാലയങ്ങളിലും പുതുവത്സരാഘോഷവും നടന്നു. ഈ വര്‍ഷം ജനുവരി ഒന്ന് ഞായറാഴ്ചയായതിനാല്‍ രണ്ടാം തിയതിയിലെ മന്നം ജയന്തികൂടി കഴിഞ്ഞു മൂന്നിനാണ് വിദ്യാലയങ്ങള്‍ തുറക്കുക. ഇതോടെയാണ് പുതുവര്‍ഷവും നേരത്തേ ആഘോഷിച്ചത്.
കോഡൂര്‍ വലിയാട് യു.എ.എച്ച്.എം. എല്‍.പി സ്‌കൂളില്‍ നടന്ന ക്രിസ്മസ്, പുതുവത്സരാഘോഷം പി.ടി.എ പ്രസിഡന്റ് പി.പി അബ്ദുല്‍ നാസര്‍ ഉദ്ഘാടനം ചെയ്തു. സുബോധ് പി. ജോസഫ് ക്രിസ്മസ്, പുതുവത്സര സന്ദേശം നല്‍കി. ക്രിസ്മസ് മരവും പുല്‍ക്കുടിലും അപ്പൂപ്പനുമെല്ലാം ഒരുക്കിയിരുന്നു. പുതുവത്സരത്തോടനുബന്ധിച്ച് കേക്ക് മുറിച്ച് കുട്ടികള്‍ക്കും രക്ഷിതാക്കള്‍ക്കും വിതരണം ചെയ്തു. പ്രഥമാധ്യാപകന്‍ കെ.എം മുസ്തഫ, സ്റ്റാഫ് സെക്രട്ടറി ടി. ഷാഹുല്‍ ഹമീദ്, സീനിയര്‍ അസിസ്റ്റന്റ് കെ.ആര്‍ നാന്‍സി സംസാരിച്ചു.