കൊച്ചി: കൊച്ചിയില്‍ പുതുവത്സരത്തലേന്ന് ഡി.ജെ പാര്‍ട്ടികള്‍ക്ക് നിയന്ത്രണം. കൊച്ചിയിലെ ഹോട്ടലുകളില്‍ ഡി.ജെ പാര്‍ട്ടികള്‍ അനുവദിക്കില്ലെന്ന് സിറ്റി പൊലിസ് കമ്മിഷണര്‍ എം.പി ദിനേശ് പറഞ്ഞു.

പുതുവത്സരത്തോടനുബന്ധിച്ച് ഫൈവ് സ്റ്റാര്‍ ഹോട്ടലുകളില്‍ നടക്കുന്ന ഡി.ജെ പാര്‍ട്ടികളുടെ മറവില്‍ കഞ്ചാവ് ഉപയോഗം വ്യാപകമാവുന്നതായി പൊലിസ് കണ്ടെത്തിയിട്ടുണ്ട്. ഇത്തരത്തില്‍ റെയ്ഡില്‍ നിരവധി കഞ്ചാവുകള്‍ പിടിക്കപ്പെട്ടിട്ടുമുണ്ട്. ഇതെല്ലാം മുന്‍ നിര്‍ത്തിയാണ് പൊലിസ് കര്‍ശന നിയന്ത്രണം ഏര്‍പ്പെടുത്തിയത്.

പുതുവര്‍ഷത്തലേന്ന് കൊച്ചിയില്‍ രാത്രി സഞ്ചാരത്തിനും നിയന്ത്രണം ഏര്‍പ്പെടുത്തും. സുരക്ഷാ മുന്‍കരുതലുകളുടെ ഭാഗമായാണ് നിയന്ത്രണങ്ങള്‍ ഏര്‍പ്പെടുത്തിയത്. ഇതു സംബന്ധിച്ച് ചര്‍ച്ച ചെയ്യാനായി കമ്മിഷണര്‍ വിളിച്ചു ചേര്‍ക്കുന്ന ഹോട്ടലുടമകളുടെ യോഗം നാളെ നടക്കും.