മണ്ണന്തല: പാതിരിപ്പള്ളി പുതുച്ചിയില്‍ ക്രിമിനല്‍ക്കേസ് പ്രതിയെ അന്വേഷിച്ചെത്തിയ പൊലിസ് സംഘം പ്രതിയുടെ അമ്മയെ ആക്രമിച്ചുവെന്ന ആരോപണം തീര്‍ത്തും അടിസ്ഥാനരഹിതമാണെന്ന് മണ്ണന്തല എസ്.ഐ എസ്. ഷാജി.
സി.പി.എം നേതാവായിരുന്ന ശിഖാമണിയുടെ ഭാര്യ ശോഭനയാണ് പരാതിക്കാരി. കഴിഞ്ഞ 24നു രാത്രി 8 മണിക്ക് ശോഭനയുടെ വീട്ടില്‍ അവരുടെ മകനും ക്രിമിനല്‍ക്കേസ് പ്രതിയുമായ കണ്ണന്‍ എന്നു വിളിക്കുന്ന അനീഷിനെത്തേടിയാണ് എസ്.ഐയും സംഘവും എത്തിയത്. തുടര്‍ന്ന് ഒരുമണിക്കൂറിനകം പൊലിസ് തിരികെപ്പോയി. എന്നാല്‍ അനീഷിനെ പൊലിസ് പിടികൂടുമെന്ന് ഉറപ്പായ സി.പി.എം നേതൃത്വം പ്രശ്‌നത്തില്‍ ഇടപെടുകയും കള്ളക്കേസ് ചമയ്ക്കുകയും ചെയ്തുവെന്നാണ് സൂചന.
ശോഭനയെ എസ്.ഐ അടിവയറ്റില്‍ ചവിട്ടിയെന്നും അസഭ്യം പറഞ്ഞുവെന്നുമാണ് ആരോപണം. തങ്ങള്‍ വീട്ടില്‍ വരുന്നതുമുതല്‍ പോകുന്നതുവരെയുള്ള വീഡിയോ ദൃശ്യങ്ങള്‍ തെളിവായി ഉïെന്നും ആവശ്യംവന്നാല്‍ കോടതിയില്‍ ഹാജരാക്കുമെന്നും എസ്.ഐ അറിയിച്ചു. പ്രതിയെ രക്ഷപ്പെടുത്താനുള്ള ഗൂഢശ്രമത്തിന്റെ ഭാഗമാണ് ആരോപണമുന്നയിക്കലെന്നും മണ്ണന്തല എസ്.ഐ പറഞ്ഞു.