വിദ്യാനഗര്‍: ചെര്‍ക്കള സി.എച്ച്.സിക്ക് പിറക് വശം നിര്‍ത്തിയിട്ട ബൈക്കു തീവെച്ചു നശിപ്പിച്ച നിലയില്‍ കണ്ടെത്തി. ക്രിസ്മസ് ദിവസം രാത്രിയിലാണ് സംഭവം.
ആര്‍.ഡി നഗര്‍ മീപ്പുഗുരിയിലെ മുഹമ്മദ് റഫീഖിന്റെ ഉടമസ്ഥതയിലുള്ള കെ.എല്‍ 14 ജെ 6432 നമ്പര്‍ ബൈക്കിനാണ് തീവെച്ചത്. വിവമറിഞ്ഞ് വിദ്യാനഗര്‍ പൊലിസ് സ്ഥലത്തെത്തി അന്വേഷണം നടത്തിയെങ്കിലും പരാതി ലഭിക്കാത്തതിനാല്‍ കേസെടുത്തിട്ടില്ല.
ഉടമസ്ഥന്‍ സ്ഥലത്തില്ലെന്നാണ് പൊലിസിന്റെ അന്വേഷണത്തില്‍ മനസിലായത്. കഴിഞ്ഞ 20 നു ചെര്‍ക്കളയിലെയും ചൂരി ഭാഗത്തും രണ്ട് സംഘങ്ങള്‍ തമ്മില്‍ സംഘര്‍ഷമുണ്ടായിരുന്നു. അക്രമ സംഭവത്തില്‍ രണ്ട് പേരെ വിദ്യാനഗര്‍ പൊലിസ് അറസ്റ്റ് ചെയ്തിരുന്നു.
ഇതിന്റെ തുടര്‍ച്ചയായാണോ ബൈക്കിന് തീവച്ചതെന്നും പൊലിസ് സംശയിക്കുന്നുണ്ട്. ഉടമസ്ഥന്‍ പരാതിയുമായി എത്തിയാല്‍ അന്വേഷണമാരംഭിക്കുമെന്ന് വിദ്യാനഗര്‍ എസ്.ഐ പ്രശോഭ് പറഞ്ഞു.