മടവൂര്‍: ക്ലസ്റ്റര്‍ എസ്.കെ.എസ്.എസ്.എഫിന്റെ ആഭിമുഖ്യത്തില്‍ രണ്ടായിരത്തോളം വീടുകളില്‍ സൗജന്യമായി സുപ്രഭാതം കലണ്ടര്‍ വിതരണം ചെയ്യുന്ന 'പൂമുഖത്തൊരു സുപ്രഭാതം' പദ്ധതിക്ക് തുടക്കമായി. സി.എം മഖാമില്‍ നടന്ന ചടങ്ങില്‍ ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി ക്ലസ്റ്റര്‍ പ്രസിഡന്റ് അലി മടവൂരിന് കലണ്ടര്‍ കൈമാറി ഉദ്ഘാടനം ചെയ്തു. അബ്ദുല്‍ ഗനിയ്യ് ഫൈസി അധ്യക്ഷനായി. ഫൈസല്‍ ഫൈസി മടവൂര്‍ മുഖ്യപ്രഭാഷണം നടത്തി. അനീസ് രാംപൊയില്‍ സ്വാഗതവും അഫ്‌സല്‍ കെ.പി നന്ദിയും പറഞ്ഞു. സ്വാലിഹ് നിസാമി എളേറ്റില്‍, ശാക്കിര്‍ ദാരിമി, സി.കെ മുഹമ്മദ് മുസ്‌ലിയാര്‍, ഉനൈസ് കൊട്ടക്കാവയല്‍ പ്രസംഗിച്ചു.