പുത്തനത്താണി : ഹുബ്ബു റസൂല്‍, ഹുബ്ബുല്‍ വത്വന്‍ എന്ന പ്രമേയത്തില്‍ മാറാക്കര പഞ്ചായത്ത് സമസ്ത കോര്‍ഡിനേഷന്റെ നേതൃത്വത്തില്‍ കാടാമ്പുഴ ശംസുല്‍ ഉലമ നഗറില്‍ നടത്തിയ മീലാദ് റാലിയും പൊതു സമ്മേളനവും ജാറത്തിങ്ങല്‍ മഖാം സിയാറത്തോടെ ആരംഭിച്ചു. കാടാമ്പുഴയില്‍ നടന്ന പൊതു സമ്മേളനം വി.ടി.എസ് മാനുട്ടി തങ്ങള്‍ ഉദ്ഘാടനം ചെയ്തു. കാടാമ്പുഴ മൂസ ഹാജി അധ്യക്ഷനായി. മൊയ്തീന്‍ ഫൈസി തുവ്വൂര്‍ പ്രമേയ പ്രഭാഷണം നടത്തി. സി.കെ സുലൈമാന്‍ ലത്തീഫി, എന്‍.കെ മുഹമ്മദ് മുസ്‌ലിയാര്‍, കെ.സി നാസര്‍ ഫൈസി, പി.അബ്ദുല്‍ ഹമീദ്‌ഫൈസി, മുസ്തഫ ഫൈസി, സൈതലവി കോയ തങ്ങള്‍, ഒ.കെ റഷീദ്, പി. കുഞ്ഞാവ ഹാജി, റഫീഖ് കല്ലിങ്ങല്‍, സി.സുലൈമാന്‍ മുസ്‌ലിയാര്‍, സി.കെ ഗഫൂര്‍, കുഞ്ഞനു കരേക്കാട് സംസാരിച്ചു.