തിരൂര്‍: അനധികൃതമായി മണല്‍ കടത്തുന്നതിനിടെ മൂന്നു ടിപ്പര്‍ ലോറികള്‍ പൊലിസ് പിടികൂടി. സംഭവത്തില്‍ പെരുന്തല്ലൂര്‍ സ്വദേശി കാളിയാടന്‍ ഖമറുദ്ദീ (34) നെ പൊലിസ് അറസ്റ്റ് ചെയ്തു. അറസ്റ്റിലായ ഖമറുദ്ദീനെ കോടതിയിലാജരാക്കിയ ശേഷം റിമാന്‍ഡ് ചെയ്തു.
ഇന്നലെ രാവിലെ കട്ടച്ചിറയില്‍വച്ചാണ് ഇയാളെ ടിപ്പര്‍ ലോറിയുമായി തിരൂര്‍ എസ്.ഐ കെ.ആര്‍ രഞ്ജിത്തിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. പൊലിസുകാരായ സുജിത്, അനീഷ്, പങ്കജ് എന്നിവരടങ്ങുന്ന സംഘമാണ് മണല്‍ വാഹനങ്ങള്‍ പിടികൂടിയത്. തിരുന്നാവായ, പെരുന്തല്ലൂര്‍ എന്നിവിടങ്ങളില്‍നിന്നു ഓരോ ടിപ്പര്‍ ലോറികള്‍കൂടി പൊലിസ് പിടിച്ചു. എന്നാല്‍, ലോറിയിലുണ്ടായിരുന്നവര്‍ ഓടി രക്ഷപ്പെടുകയായിരുന്നു.