മലപ്പുറം: നോട്ട് പിന്‍വലിച്ചതിനെ തുടര്‍ന്നു ജനങ്ങള്‍ക്കുണ്ടായ ദുരിതം പരിഹരിക്കുക, സഹകരണമേഖലയെ തകര്‍ക്കുന്ന കേന്ദ്ര നടപടി പിന്‍വലിക്കുക തുടങ്ങിയ ആവശ്യങ്ങളുന്നയിച്ചു കേരളത്തില്‍ എല്‍.ഡി.എഫ് സംഘടിപ്പിക്കുന്ന മനുഷ്യച്ചങ്ങല ഇന്നു വൈകിട്ട് അഞ്ചിനു നടക്കും. മലപ്പുറം ജില്ലയില്‍ നീലിയാട് മുതല്‍ ഇടിമൂഴിക്കല്‍വരെയാണ് മനുഷ്യച്ചങ്ങല തീര്‍ക്കുന്നത്.
നീലിയാട്ട് തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി ജലീല്‍ ആദ്യ കണ്ണിയാകും. ഇടിമൂഴിക്കലില്‍ പാലോളി മുഹമ്മദ്കുട്ടിയാണ് അവസാന കണ്ണിചേരുക. മനുഷ്യച്ചങ്ങലയോടനുബന്ധിച്ചു ജില്ലയിലെ പ്രധാനപ്പെട്ട കേന്ദ്രങ്ങളില്‍ വൈകിട്ട് നാലിനു പൊതുയോഗങ്ങള്‍ സംഘടിപ്പിക്കും.