കണ്ണൂര്‍: മദ്‌റസകള്‍ മികവിന്റെ കേന്ദ്രങ്ങള്‍ എന്ന പ്രമേയവുമായി ജില്ലാ ജംഇയ്യത്തുല്‍ മുഅല്ലമീന്‍ നടത്തുന്ന സദര്‍ മുഅല്ലിം ജില്ലാ സംഗംമം 31ന് രാവിലെ ഒന്‍പതിന് പാപ്പിനിശ്ശേരി വെസ്റ്റ് അന്‍സാറുല്‍ ഇസ്‌ലാം മദ്‌റസയില്‍ നടക്കും.
സമസ്ത മതവിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും. എസ്.വി മുഹമ്മദലി, പിണങ്ങോട് അബൂബക്കര്‍, അബ്ദുസമദ് മുട്ടം, എ.കെ അബ്ദുല്‍ ബാഖി ക്ലാസുകള്‍ക്ക് നേതൃത്വം നല്‍കും. മുഅല്ലിം ക്ഷേമനിധി ധനസഹായ വിതരണം ഇ.ടി മുഹമ്മദ് ബഷീര്‍ എം.പിയും ജാമിഅ അസ്അദിയ്യ അവാര്‍ഡ് ദാനം എസ്.കെ ഹംസ ഹാജിയും റമദാന്‍ കലക്ഷന്‍ അവാര്‍ഡ്ദാനം കെ.ടി അബ്ദുല്ല മൗലവിയും നിര്‍വഹിക്കും. സുന്നി ബാലവേദി നേതാക്കളായ അഫ്‌സല്‍ രാമന്തളി, സജീര്‍ കാടാച്ചിറ ആദരിക്കും.