പറവൂര്‍: റവന്യൂ ജില്ല സ്‌ക്കൂള്‍ കലോത്സവം നടക്കുന്ന 16 വേദികളില്‍ മുഖ്യവേദികളായ 15 സ്ഥലത്തും ഐ.ടി അറ്റ് സ്‌കൂളിന്റെ പ്രവര്‍ത്തനം സുഗമമാക്കാന്‍ ജില്ലയിലെ വിവിധ സ്‌കൂളുകളില്‍ നിന്നും തെരെഞ്ഞെടുക്കപ്പെട്ട 15 സ്റ്റുഡന്റ് ഐ.ടി കോ- ഓര്‍ഡിനേറ്റര്‍മാരും രംഗത്തുണ്ടാവും. ഓരോ വേദിക്ക് സമീപം ഐ.ടി ഇന്‍ഫര്‍മേഷന്‍ സെന്റര്‍ പ്രവര്‍ത്തിക്കും.
ഓരോ ദിവസത്തെയും കലോത്സവം സംബന്ധിച്ച വാര്‍ത്തകള്‍, ചിത്രങ്ങള്‍ എന്നിവയൊക്കെ നവസാമൂഹിക മാധ്യമങ്ങള്‍ വഴി തത്സമയം തന്നെ ജനങ്ങളിലില്‍ എത്തിക്കുന്നതിന് എടവനക്കാട് ഹിദായത്തുല്‍ ഇസ്‌ലാം ഹൈസ്‌ക്കൂളിലെ അധ്യാപകന്‍ വി.കെ നിസാറിന്റെ നേതൃത്വത്തില്‍ ഐ.ടി അറ്റ് സ്‌കൂള്‍ മാസ്റ്റര്‍ ട്രയിനര്‍മാര്‍, വിവിധ സ്‌ക്കൂളിലെ അധ്യാപകര്‍ എന്നിവരുടെ സംഘം വിവരങ്ങള്‍ തത്സമയം അപ്‌ലോഡ് ചെയ്യും.