പരപ്പനങ്ങാടി: തെന്നിന്ത്യയിലെ അത്യുന്നത മതഭൗതീക കലാലയമായ പട്ടിക്കാട് ജാമിഅ നൂരിയ്യ അറബിക് കോളജിന്റെ 54 -ാം വാര്‍ഷിക 52-ാം സനദ് ദാന മഹാസമ്മേളനം ജനുവരി നാല് മുതല് എട്ട് വരെ പട്ടിക്കാട് ഫൈസാബാദില് നടക്കും.
സമ്മേളനത്തിന്റെ പ്രചരണാര്‍ത്ഥം പരപ്പനങ്ങാടി ,യൂനിവേഴ്‌സിറ്റി മേഖല സ്റ്റുഡന്റസ് ഫോറം വാഹന പ്രചാരണ ജാഥ നടത്തി .കടലുണ്ടിനഗരം ജമലുല്ലൈലി മഖാം സിയാറത്തോടെ ആരംഭിച്ച ജാഥ കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജാഥാ ക്യാപ്റ്റന്‍ അബ്ദുല്‍മാജീദ് ഫൈസിക്ക് പതാക കൈമാറി ഉദ്ഘാടനം ചെയ്തു .
ബാവാഹാജി ഫൈസി അധ്യക്ഷനായി .സിറാജുദ്ധീന്‍ ഫൈസി നീരോല്‍പാലം ,മുഷ്താഖ് പാലത്തിങ്ങല്‍ ,സനൂഫ് റഹ്മാന്‍ കുണ്ടന്‍കടവ് ,അബ്ദുറഹ്മാന്‍ ഇടിമുഴിക്കല്‍ ,ജിയാദ് കൊടക്കാട് സംസാരിച്ചു .പാലത്തിങ്ങല്‍ അങ്ങാടിയില്‍ നടന്ന സമാപന സംഗമത്തില്‍ സ്വാലിഹ് ഫൈസിയും പരപ്പനങ്ങാടി ടൗണില്‍ ശുകൈര്‍ ഫൈസിയും പ്രഭാഷണം നടത്തി.