നെടുമങ്ങാട്: അമിതഭാരം കയറ്റി വരുന്ന ലോറികള്‍ അപകടഭീഷണിയാകുന്നു . നെടുമങ്ങാട്-മഞ്ച-അരുവിക്കര റോഡിലാണ് തടിയും മറ്റും കയറ്റി വരുന്ന ലോറികള്‍ അപകടഭീഷണി സൃഷ്ടിക്കുന്നത്.
കഴിഞ്ഞ ദിവസം അരുവിക്കരയില്‍ നിന്നും നെടുമങ്ങാട്ടേക്ക് വന്ന തടിലോറി ബസിന്റെ മുകളിലേക്ക് ചാഞ്ഞെങ്കിലും തലനാരിഴക്ക് വന്‍അപകടം ഒഴിവായി. പത്തു മിനിട്ടോളം സ്ഥലത്ത് ഗതാഗതകുരുക്കുണ്ടായി. സുരക്ഷാ മാനദണ്ഡങ്ങളൊന്നും പാലിക്കാതെ സഞ്ചരിക്കുന്ന ഇത്തരം വാഹനങ്ങളെ അധികൃതര്‍ കണ്ടഭാവം പോലും നടിക്കുന്നില്ല. സ്‌കൂള്‍ കുട്ടികളടക്കമുള്ള വഴിയാത്രക്കാരും ജീവന്‍പണയം വെച്ചാണ് ഇതുവഴി പോയിവരുന്നത്.