ചെറുവത്തൂര്‍: പദയാത്രയ്ക്കിടെ സംഘര്‍ഷമുണ്ടായേക്കുമെന്ന രഹസ്യാന്വേഷണ റിപ്പോര്‍ട്ടിനെ തുടര്‍ന്ന് ചെറുവത്തൂരില്‍ ഇന്നലെ രാവിലെ മുതല്‍ വന്‍ പൊലിസ് സന്നാഹം നിലയുറപ്പിച്ചിരുന്നു. ഇവരുടെ കരുതലും സമയോചിത ഇടപെടലുമാണ് സംഘര്‍ഷം വലിയതോതില്‍ വ്യാപിക്കാതിരിക്കാന്‍ കാരണം. വൈകീട്ട് ചെറുവത്തൂരില്‍ കൂട്ടംകൂടി നിന്ന സി.പി.എം പ്രവര്‍ത്തകരെ അനുനയിപ്പിക്കാന്‍ സി.പി.എം ജില്ലാ സെക്രട്ടറി കെ.പി സതീഷ് ചന്ദ്രന്‍, എം.രാജഗോപാലന്‍ എംഎല്‍എ, വി.പി.പി മുസ്തഫ എന്നിവര്‍ കൃത്യമായി ഇടപെടുകയും ചെയ്തു. ജില്ലാ പൊലിസ് മേധാവി തോംസണ്‍ ജോസ്, ഡി.വൈ.എസ്.പി കെ.ദാമോദരന്‍, നീലേശ്വരം സി.ഐ വി ഉണ്ണികൃഷ്ണന്‍, ചന്തേര എസ്.ഐ എം വി അനൂപ് കുമാര്‍, ചീമേനി എസ്.ഐ ശ്രീധരന്‍ മുള്ളേരിയ, നീലേശ്വരം എസ്.ഐ നാരായണന്‍ എന്നിവരുടെ നേതൃത്വത്തില്‍ വന്‍പൊലീസ് സന്നാഹമാണ് ക്രമസമാധാനം പാലത്തിനായി ചെറുവത്തൂര്‍, ചീമേനി എന്നിവിടങ്ങളില്‍ നിലയുറപ്പിച്ചത്.