പള്ളിക്കല്‍: പള്ളിക്കല്‍ബസാര്‍ പള്ളി പ്രശ്‌നവുമായി ബന്ധപ്പെട്ടു കാന്തപുരം വിഭാഗം നടത്തുന്ന കള്ളപ്രചാരണത്തിനെതിരേ സമസ്ത നടത്തുന്ന വിശദീകരണ സമ്മേളനം ഇന്നു വൈകിട്ട് 6.30ന് പള്ളിക്കല്‍ ബസാറില്‍ നടക്കും.
മഹല്ല് തെരഞ്ഞെടുപ്പിലൂടെ പള്ളിയുടെ പരിപാലനം സമസ്തയ്ക്കു ലഭിക്കുകയും സമസ്തയുടെ കീഴില്‍ പരിപാലനം നടത്തിവരുന്ന പള്ളിയില്‍ അക്രമമുണ്ടാക്കുന്ന കാന്തപുരം വിഭാഗക്കാരില്‍നിന്നു സംരക്ഷണം നല്‍കാന്‍ കോടതി പൊലിസിന് ഉത്തരവ് നല്‍കുകയും ചെയ്ത പള്ളിയില്‍ ദിവസങ്ങള്‍ക്കു മുന്‍പ് കാന്തപുരം വിഭാഗം നടത്തിയ ആക്രമണത്തില്‍ ഇരുപതോളം വൃദ്ധരുള്‍പ്പെടെയുള്ള സമസ്തയുടെ പ്രവര്‍ത്തകര്‍ക്കു പരുക്കേറ്റിരുന്നു.
മഗ്‌രിബ് നിസ്‌കരിക്കാന്‍ നില്‍ക്കുന്നവരെ പിന്നിലൂടെ വന്നു മാരകാമായി അക്രമിച്ചവര്‍ കഴിഞ്ഞ ദിവസം സമ്മേളനം നടത്തി സമസ്ത നേതാക്കളെ അവഹേളിച്ചു പ്രസംഗിക്കുകയും പള്ളിയുമായി ബന്ധപ്പെട്ടു തെറ്റിദ്ധാരണ പരത്തുന്ന രീതിയില്‍ പ്രസംഗിച്ച് അക്രമത്തിന് വഴിയൊരുക്കുക്കുകയും ചെയ്തിരുന്നു. പള്ളിയുമായി ബന്ധപ്പെട്ട പ്രശ്‌നങ്ങള്‍ തെളിവുസഹിതം വിശദീകരിച്ച് ഇന്നു നടക്കുന്ന സമ്മേളനത്തില്‍ അബ്ദുസ്സമദ് പൂക്കോട്ടൂര്‍, അലവി ദാരിമി കുഴിമണ്ണ, പി.എ ജബ്ബാര്‍ ഹാജി, കെ.പി മുസ്തഫ തങ്ങള്‍ സംസാരിക്കും.